Post With Image

طاہرالقادری جب سڑکوں پر نکلیں گے تو پی ٹی آئی ساتھ ہوگی:عمران خان


چیرمین تحریک انصاف عمران خان کا کہنا ہے کہ سربراہ عوامی تحریک ڈاکٹر طاہرالقادری نہتے لوگوں پر گولیاں برسانے والوں کے خلاف جب سڑکوں پر نکلیں گے تو پی ٹی آئی ان کے ساتھ ہوگی۔انسداد دہشت گردی عدالت میں پیشی کے بعد میڈیا سے بات کرتے ہوئے عمران خان کا کہنا تھا کہ سانحہ ماڈل ٹاؤن میں نہتے لوگوں کو گولیاں ماری گئیں اور جاں بحق ہونے والوں میں دو خواتین بھی تھیں، شہباز شریف اور رانا ثنااللہ کو دہشت گردی کے کیس میں اندر جانا چاہیے۔عمران خان نے کہا کہ ہم نے صاف اور شفاف الیکشن کے لئے پرامن سیاسی احتجاج کیا تو مجھ پر دہشت گردی کا مقدمہ بنادیا گیا، آمر کی گود میں پلنے والے ہی کسی پر اس طرح دہشت گردی کا کیس کر سکتے ہیں۔ چیرمین پی ٹی آئی نے کہا کہ طاہرالقادری کو اعتماد دلانا چاہتے ہیں کہ جب وہ سڑکوں پر نکلیں گے تو ان کے ساتھ ہوں گے۔امریکا کے مقبوضہ بیت المقدس میں اپنے سفارتخانے کی منتقلی سے متعلق سوال پر عمران خان نے کہا کہ سارے مسلمان ممالک کے سربراہان کو اس معاملے پر کھڑے ہونا چاہیے، ٹرمپ جیسے لوگ مسلمانوں کو انسان ہی نہیں سمجھتے اور وزیراعظم کو بھی ترک صدر رجب طیب اروان جیسا قدم اٹھانا چاہیے۔ یاد رہے کہ پنجاب حکومت نے لاہور ہائیکورٹ کے حکم کے بعد سانحہ ماڈل ٹاؤن کی رپورٹ تین سال بعد پبلک کر دی ہے ، جس کےبعد شہباز شریف اور راناثناء اللہ کی ذات پر بے شمار سوالات اٹھے ہیں ۔جس کے بعد ڈاکٹر طاہر القادری نے ان دونوں رہنماؤں سے اپنا عہدہ چھوڑنے کا مطالبہ کرتے ہوئے سڑکوں پر نکلنے کی دھمکی دے ڈالی ہے ۔


آپ کی رائے

آپ کا ای میل ایڈریس شائع نہیں کیا جائے گا