• ڈالر کے مقابلے میں روپیہ تگڑا، سٹاک مارکیٹ میں تیزی، سونا بھی سستا

    4 روز کی مسلسل اُڑان کے بعد امریکی ڈالر کے مقابلہ میں روپیہ تگڑا ہو گیا۔ ملکی کرنسی بڑھتے ہی سٹاک مارکیٹ میں تیزی دیکھی گئی جبکہ سونے کی قیمت میں گراوٹ دیکھی گئی۔ دنیا نیوز کے مطابق اوپن مارکیٹ میں امریکی ڈالر 1 روپے سستا ہو گیا جس کے بعد امریکی کرنسی کی قیمت 153 روپے ہو گئی ہے۔ اسی طرح انٹر بینک میں ڈالر 3 پیسے سستا ہوگیا، انٹر بینک میں ڈالر 151 روپے 95 پیسے پر ٹریڈ ہوا۔ دوسری جانب سٹاک مارکیٹ میں ایک ہزار 195 پوائنٹس کا اضافہ ہوا، پاکستان سٹاک مارکیٹ کا 100 انڈیکس 34 ہزار 637 پوائنٹس کی سطح پر آگیا۔ دنیا نیوز کے مطابق ملک بھر میں روپے کے تگڑے ہوتے ہی سونے کی قیمتیں بھی گر گئیں۔ صرافہ مارکیٹوں میں سونے کی فی تولہ قیمت میں 800 روپے گراوٹ دیکھی گئی ۔ امریکی ڈالر کے مقابلے میں روپے کے تگڑے ہوتے ہی سونے کی قیمتوں میں بھی تنزلی دیکھی گئی، صرافہ مارکیٹوں میں فی تولہ سونے کی قیمت 800 روپے کمی کے بعد 71300 روپے تک پہنچ گئی ہے۔ کراچی، لاہور، اسلام آباد، راولپنڈی، پشاور، گوجرانوالہ، کوئٹہ، سیالکوٹ، ملتان سمیت دیگر صرافہ مارکیٹوں میں دس گرام سونے کی قیمت 686 روپے کمی کے بعد 61 ہزار 128 روپے ہو گئی ہے۔ یاد رہے کہ گزشتہ روز امریکی ڈالر مہنگا ہونے کے بعد سونے کی قیمتوں میں ریکارڈ اضافہ دیکھا گیا تھا جس کے بعد فی تولہ سونے کی قیمت 600 روپے اضافہ کے بعد 72100روپے تک پہنچ گئی تھی۔

  • نالائقوں کی حکومت کسی سانحے سے کم نہیں: مریم نواز

    مریم نواز نے کہا ہے کہ نالائقوں کی حکومت کسی سانحے سے کم نہیں، دس ماہ ہوگئے عوام ایک اچھی خبر نہیں سن سکے، 22 کروڑ عوام مہنگائی کی چکی میں پس رہے ہیں۔ ن لیگ کی نائب صدر مریم نواز نے کارکنوں سے خطاب کرتے ہوئے کہا ملک کیساتھ جو سانحہ ہو رہا ہے اس کا ذکر نہ کیا جائے تو زیادتی ہوگی، گیس کی قیمتوں میں 140 فیصد اضافہ ہوا، روز سنتے ہیں آج گیس، چینی مہنگی ہوگئی، بجلی کی قیمت کہاں سے کہاں پہنچ گئی، جب بھی جیل گئی میاں صاحب نے کبھی نہیں کہا میرے لیے آواز اٹھائیں ؟ انہوں نے ہمیشہ کہا جاؤ جا کرعوام کا دکھ درد دیکھو، تنخواہیں کم اور گھروں کے خرچ ڈبل ہوگئے۔ مریم نواز کا کہنا تھا بلیغ الرحمان کے ساتھ بڑا سانحہ ہوا، دلی تعزیت کرتی ہوں، بلیغ الرحمان اور ان کے اہلخانہ کو اللہ صبر عطا کرے، قمر زمان کائرہ کے بیٹے کی وفات پر بھی دکھ ہے، بلیغ الرحمان سے فون پر بات کر کے میاں صاحب رنجیدہ ہو گئے، ارباب اختیار سے فرشتہ کی ہلاکت پر نوٹس لینے کا مطالبہ کرتی ہوں، ننھی فرشتہ کیلئے آواز بھی اٹھائیں گے۔

  • مولانا فضل الرحمان اسلام کو نگاہ میں رکھیں اسلام آباد کو نہیں: فردوس عاشق اعوان

    فردوس عاشق اعوان نے کہا ہے کہ مولانا فضل الرحمان اسلام کو نگاہ میں رکھیں اسلام آباد کو نہیں، عمران خان کی عداوت چھوڑ کر امن و اخوت کو فروغ دیں۔ معاون خصوصی برائے اطلاعات فردوس عاشق اعوان نے سماجی رابطے کی ویب سائٹ پر ٹویٹ کرتے ہوئے کہا قوم کے معصوم بچوں کو کرپٹ مافیا کے دفاع کیلئے سیاسی قوت بنانا نہ اسلام ہے اور نہ ہی جمہوریت، عالم دین ہونے کی حیثیت سے فضل الرحمن امن و اخوت کو فروغ دیں عداوت کو نہیں۔

  • 'صنعتی صارفین کو ایمنسٹی سکیم میں سیلز ٹیکس کی رجسٹریشن کرانا ہوگی'

    شبر زیدی نے کہا ہے کہ بجلی اور گیس کے تمام صنعتی صارفین کو ایمنسٹی سکیم میں سیلز ٹیکس کی رجسٹریشن کرانا ہوگی، یکم جولائی کے بعد قانون سازی کر کے کارروائی ہوگی، کاروبار کیلئے بہتر ماحول پیدا کرنا چاہتے ہیں۔ چیئرمین ایف بی آر شبر زیدی نے پریس کانفرنس سے خطاب کرتے ہوئے کہا ایمنسٹی سکیم میں سیلز ٹیکس نادہندگان کو بھی موقع دیا گیا، کاروبار کیلئے موقع پیدا کرنا چاہتے ہیں، پاکستان میں ٹیکس فائلرز کی تعداد کم ہے، قانون میں کوئی خامی ہے تو بیٹھ کر دیکھیں گے، غیر رجسٹرڈ ادارے 2 فیصد سیلز ٹیکس دے کر رجسٹر ہوسکتے ہیں، ایمنسٹی اسکیم میں سیلز ٹیکس کے واجبات کلیئر کرائے جا سکتے ہیں۔ شبر زیدی کا کہنا تھا صنعتی اداروں کو سیلز ٹیکس میں رجسٹرڈ ہونا چاہیے، رجسٹرڈ صنعتی صارفین کی تعداد 3 لاکھ 48 ہزار ہے، بجلی کے 3 لاکھ 41 ہزار صنعتی کنکشنز دیے گئے، ملک بھر میں 7 ہزار گیس کے صنعتی کنکشن دیے گئے، ملک بھر میں سیلز ٹیکس کی رجسٹریشن صرف 38 ہزار ہے، اکاؤنٹس منجمد کرنے سے متعلق قانون میں کوئی تبدیلی نہیں کی گئی۔

  • لاہور کے علاقے شاد باغ سے بچی کا مبینہ اغوا، نامعلوم شخص اٹھا کر لے گیا

    لاہور سے تین سالہ بچی کو اغوا کرلیا گیا، پولیس کی روایتی سستی کے باعث ورثا سراپا احتجاج بن گئے۔ شہر میں بچوں کے اغوا کا سلسلہ نہ تھم سکا، شاد باغ کے علاقہ بھگت پورہ کی رہائشی تین سالہ ہبا جنت کو نامعلوم شخص اغوا کر کے فرار ہو گیا، تین سالہ ہبا اپنے 4 سالہ بھائی کے ہمراہ گھر سے چیز لینے نکلی کہ نا معلوم اغوا کار نے مغوی بچی کا بھائی سے ہاتھ چھڑوایا اور لے کر فرار ہو گیا۔ میڈیا پر خبر چلنے کے بعد پولیس حرکت میں آئی اور تھانہ شادباغ میں اغوا کی رپورٹ درج کر دی گئی۔ مغوی ہبا کے والد پولیس کے سست رویے سے نالاں ہیں۔ انہوں نے کہا تاحال بچی کا پتہ نہیں لگایا جاسکا ہے۔ ڈی ایس پی شادباغ زکریا کا کہنا ہے کہ سی سی ٹی وی فوٹیج کی مدد سے تلاش شروع کر دی گئی ہے، بچی کے اغوا کے بعد علاقہ میں کہرام مچ گیا اور شہری پریشانی میں مبتلا ہیں۔

  • جنوبی ایشیا میں پائیدار امن کیلئے تنازعات کا حل ضروری ہے: شاہ محمود

    شاہ محمود قریشی نے کہا ہے کہ پاکستان ہر قسم کی دہشتگردی کی مذمت کرتا ہے، جنوبی ایشیا میں پائیدار امن کیلئے تنازعات کا حل ضروری ہے۔ بشکک میں ایس سی او وزرائے خارجہ کونسل کے اجلاس سے خطاب کرتے ہوئے وزیرخارجہ شاہ محمود قریشی نے کہا کہ پاکستان نے کرتار پور راہداری کھول کر امن کا پیغام دیا، بھارت سمیت دنیا بھر سے سکھ یاتری کرتار پور آسکیں گے۔ وزیر خارجہ کا کہنا تھا علاقائی امن و سلامتی کیلئے افغانستان میں امن ناگزیر ہے، پاکستان نے دہشت گردی اور انتہا پسندی کا بڑی کامیابی سے مقابلہ کیا۔ انہوں نے کہا پاکستان ایس سی او کے چارٹر پر عملدرآمد کیلئے پر عزم ہے، چینی صدر کے بیلٹ اینڈ روڈ کے اقدام سے بھی خطے کے ممالک قریب آئیں گے۔