ڈیرہ غازی خان میں جائیداد کے تنازع پر چچا نے مبینہ طور پر اپنے 4 سالہ بھتیجے کو گولی مار کر قتل کردیا۔پولیٹیکل اسسٹنٹ کے مطابق ڈیرہ غازی خان کے علاقے ہنگلون میں ملزم کا اپنے بھائی سے جائیداد کا تنازع چل رہا تھا کہ اسی دوران ملزم نے گھر میں گھس کر فائرنگ کردی۔فائرنگ کے نتیجے میں ملزم کا 4 سالہ بھتیجا موقع پر ہی جاں بحق ہو گیا جس کے بعد ملزم کو اسلحے سمیت گرفتار کر لیا گیا۔ ابتدائی تفتیش میں ملزم نے بتایا ہے کہ وہ اپنے بڑے بھائی کو قتل کرنا چاہتا تھا، بھتیجا بیچ میں آگیا، جس کی وجہ سے گولی بھتیجے کو لگی، واقعے کی مزید تفتیش جاری ہے۔
